Pamje apokaliptike nga Los Angeles: Të paktën 10 të vdekur, zjarri vazhdon të përhapet, raportohet për dëme mbi 100 miliardë dollarë

Numri i të vdekurve nga zjarret që kanë përfshirë rajonin e Los Anxhelosit është rritur në 10, ndërsa dëmet janë vlerësuar në mbi 100 miliardë dollarë, raportojnë mediat amerikane. Frikësohet se numri i viktimave do të rritet më tej ndërsa ekipet e shpëtimit vazhdojnë kërkimet në ndërtesat e djegura.

Zjarret kanë shkatërruar mijëra ndërtesa dhe kanë djegur mbi 142 kilometra katrorë tokë. Është urdhëruar evakuimi i rreth 179,000 personave, raportoi CBS.

Një zjarr i ri, i quajtur Kenneth, shpërtheu në lagjen West Hills dhe brenda disa orëve u përhap në pothuajse 1,000 hektarë.

Erërat e forta që përfshinë zonën të enjten shkaktuan shpërthimin dhe përhapjen e flakëve në zonat e dendura të banuara në jug të Kalifornisë, njoftuan autoritetet.

Ky zjarr ka shtuar shqetësimet për rrezikimin e jetës dhe pasurive në këtë rajon, ndërkohë që shërbimet e zjarrfikësve janë duke luftuar për të kontrolluar situatën.

Zjarrin në Hurst, i cili ka shpërthyer që nga e martja, tani është më shumë se një e tretë nën kontroll, sipas Departamentit të Pyjeve dhe Mbrojtjes nga Zjarret të Kalifornisë, që përbën një përmirësim nga 10% që ishte nën kontroll më herët të enjten në mbrëmje.

Zyra e Guvernatorit të Kalifornisë, Gavin Newsom, i bëri thirrje banorëve të qëndrojnë të sigurt në një njoftim të shpërndarë në mediat sociale të enjten.

Në njoftim thuhej: „Banorëve që po kthehen në shtëpitë e tyre u rekomandohet të jenë jashtëzakonisht të kujdesshëm dhe TË MOS pinë ujë derisa të marrin udhëzime për ta bërë këtë.“

Sipas faqes së internetit Cal Fire, statusi i zjarreve të mëdha të enjten në mbrëmje është si më poshtë:
Palisades: të paktën 19,978 hektarë, 6% nën kontroll
Eaton: të paktën 13,690 hektarë, 0% nën kontroll
Hurst: të paktën 771 hektarë, 37% nën kontroll
Lydia: të paktën 348 hektarë, 60% nën kontroll
Kenneth: të paktën 960 hektarë, 0% nën kontroll

Në këtë moment, të paktën 6 zjarrë po shpërthejnë në Los Anxhelos dhe në rajonin përreth Ventura, dhe asnjëri prej tyre nuk është lokalizuar, përveç zjarrit në Woodley.

https://twitter.com/i/status/1877499409518440729