Gati të rikthehet në fushë, Pogba: Kam propozime interesante, dua një klub që luan në Champions

Paul Pogba po i afrohet rikthimit në fushë. Kampioni francez i botës u vu në shënjestër të një dënimi katërvjeçar pasi doli pozitiv në testin e dopingut në shtator 2023. Megjithatë, sanksioni u reduktua në 18 muaj në apel.

Mesfushori do të jetë i lirë të rifillojë karrierën e tij në mars 2025 dhe tashmë ka zëra për transferimin e tij të mundshëm. Ndër opsionet më të diskutuara janë Liga Saudite Pro, MLS dhe Ligue 1.

LEXO EDHE:
‘Dita e parë e shkollës’ te Ferrari për Hamilton: Do ta kujtoj përherë
Për më tepër, ka pasur edhe një ofertë ambicioze nga Rusia, e bërë kur mesfushorit ende i ndalohej të luante në një ligë profesionale. Pogba e hodhi poshtë këtë propozim, duke shpjeguar ambiciet e tij gjatë një interviste me transmetuesin e njohur francez “AmineMaTue” në Tëitch.

“Ka propozime, disa interesante, disa më pak… Rusia, po, ka pasur oferta, por ky nuk është objektivi im. Ne kemi objektiva të tjerë.

Një klub që luan në Champions? Pse jo. Nëse vjen, padyshim, pse jo. Ne synojmë gjithmonë për klubet më të mira. Më pas, megjithatë, nuk varet vetëm nga unë, por nga shumë gjëra të tjera”, deklaroi Pogba.