Kush me kë po e bën qeverinë?

Maca e miu edhe mund të flenë bashkë, por opozita të bëjë koalicion me Vetëvendosjen assesi.

Vijat e kuqe duket se ia vunë partisë së Albin Kurtit për formimin e qeverisë, prijësit e listave të të gjithave partive opozitare, raporton Kiks Kosova.

Kështu janë deklaruar të paktën secili nga ta.

Bedri Hamza nga PDK, Lumir Abdixhiku nga LDK e Ramush Haradinaj nga AAK, janë kategorikisht kundër mundësisë për bashkëqeverisje me Vetëvendosjen.

Bedri Hamza nuk mund të bashkëpunojë me dikë që ofendon e nxit urrejtje.

I prerë në përgjigje është Lumir Abdixhiku.

Ramush Haradinaj është në gjendje të heq dorë nga politika, por jo edhe të punojë me Albin Kurtin.

Albin Kurti e ka të qartë se koalicion mund të bëjë deri më tani vetëm me partinë GUXO dhe Alternativën.

14 shkurtin e 2021-ës, Albin Kurti nuk pati nevojë për partner shtesë për ta formuar qeverinë, por kaq fatlum nuk e gjeti ky Shën Valentin.

Meqë procesi i numërimit të votave nuk ka përfunduar ende, rezultati mund të ndryshojë edhe lojën politike.