Aksident në Maqedoni, ndërron jetë një 46-vjeçar

Më 15.02.2025 rreth orës 19:35, në Stacionin Policor të Strumicës është raportuar se në rrugën magjistrale, në seksionin nga Strumica drejt fshatit Dabilje, ka ndodhur një aksident trafiku midis një automjeti “Peugeot” me targa të Strumicës, i drejtuar nga M.I. (46) nga Strumica, dhe një kamioni “DAF” me gjysmë-rimorkio me targa ukrainase, i drejtuar nga S.P.P. (42) nga Ukraina.

Në vendin e ngjarjes ka ndërruar jetë shoferi i automjetit “Peugeot”. Vdekja është konstatuar nga një mjek i Shërbimit Emergjent Mjekësor.

Një hetim është kryer nga prokurori publik dhe ekipi i hetuesve të Sektorit të Punëve të Brendshme Strumicë.