Shtëpia e Bardhë thotë se Trump pas ndërprerjes së takimit me presidentin ukrainas, kishte ngrënë ushqimin e dedikuar për Zelenskyn

Shtëpia e Bardhë thotë se Trump pas ndërprerjes së takimit me presidentin ukrainas, kishte ngrënë ushqimin e dedikuar për Zelenskyn

Zëdhënësja e Shtëpisë së Bardhë, Karoline Leavitt, ka deklaruar se presidenti amerikan Donald Trump me një “fjalë” e ka ngrënë ushqimin e dedikuar për presidentin ukrainas Volodymyr Zelensky.

“Presidenti është kënaqur gjatë drekës. Me një fjalë ka ngrënë drekën apo ushqimin në pjatën e dedikuar për Zelensky. Ishte vendimi i tij të anulojë drekën zyrtare me Zelensky. Kishte një ndjenjë që Zelensky nuk ishte në pozitë të negocionte për paqe”, tha Leavitt – duke iu përgjigjur pyetjes së prezantueses së Fox News, Laura Ingraham, se i kujt ishte vendimi që të anulohet dreka.

Në rrjetet sociale është shpërndarë edhe fotografia e menysë për liderin ukrainas, transmeton Telegrafi.

Siç mund ta shihet në fotografi, Zelensky duhet të kishte ngrënë një sallatë me zarzavate pranverore, pulë të pjekur me rozmarinë dhe krem ​​brûlée.

Ndryshe takimi mes Trump dhe Zelensky në Shtëpinë e Bardhë ishte përcjell me tensione, ku vazhdimisht i kërkohej liderit ukrainas që të jetë falënderues për ndihmën që i është ofruar vendit të tij.