Ish-ylli i Real Madridit, Manchester Cityt e Spanjës e mbyll karrierën 20-vjeçare

Ish-lojtari i Manchester Cityt, Real Madridit e kombëtares spanjolle, Alvaro Negredo ka njoftuar pensionimin nga futbolli në moshën 39-vjeçare.

I rritur në akademinë e Rayo Vallecanos, Negredo debutoi në vitin 2005, para nënshkrimit me Real Madridin në moshën 19-vjeçare.

Pas paraqitjeve të mira me Almerian, Negredo siguroi kalimin te Sevilla.

Aty, sulmuesi spanjoll kaloi formën e tij më të mirë si futbollist, duke shënuar 85 gola në 180 ndeshje.

Sa ishte pjesë e Sevillas, Negredo debutoi me Spanjën, duke i bërë 21 paraqitje në total me “Stuhinë e Kuqe”.

Paraqitjet e tij të mira ia siguruan një kalim te Manchester City për 25 milionë euro.

Në Angli, Negredo luajti vetëm 49 herë në 2 sezone, duke shënuar 23 gola.

Gjatë karrierës së tij, Negredo luajti edhe për Valencian, Middlesbrough, Besiktas, Cadiz, Al-Nasr e Real Valladollid.

Ai fitoi Premierligën e Kupën e Mbretit, së bashku me një Kupë të Ligës në Angli.

“Do të bëhem një trajner, kam nisur të mësoj te Sevilla C. E dua këtë sfidë në jetën time”, tha ai.