Slot bën krahasimin e ekipit të tij me Realin, pas fitores minimale ndaj PSG-së

Arne Slot përmendi mënyrën e fitoreve të Real Madridit para ndeshjes kthyese javën e ardhshme.

“The Reds” hasën në vështirësi në “Parkun e Princave” me PSG-në.

Liverpooli arriti të fitojë pas një paraqitje heroike nga Alisson Becker, i cili bëri disa pritje të mëdha.

Ai po ashtu mori pjesë në aksionin e golit të shënuar nga Harvey Elliott, i cili shënoi në minutën e 87-të.

Slot pranoi se ekipi i tij kishte vështirësi në përballjen me Parisin, për të cilin tha se është ekipi më i mirë në botë, sa i përket statistikave.

Trajneri holanez ishte i qartë në rëndësinë e rezultatit, duke marrë shembull edhe Real Madridit.

“Asnjë ekip s’mund të i kalojë 38 ndeshje në kampionat ose në Ligën e Kampionëve me futboll të bukur. Real Madridi është një shembull i këtij lloji. Ata gjejnë mënyra të ndryshme për të fituar ndeshjes, edhe kur ekipi tjetër është më i mirë”, tha Slot.

Liverpooli i bën konak PSG-së më 11 mars në “Anfield”, derisa Reali do të bëjë një udhëtim të shkurtër për në “Metropolitano” të Atleticos më 12 mars, pasi fitoi ndeshjen e së martës 2-1.