Shkëndija U-14, rrëzon nga froni Butelin, e fiton thellë në Tetovë

Shkëndija U-14 ka rrëzuar nga froni skuadrën e Butelit duke e turpëruar në Tetovë me një rezultat të pastër 3:0 informon Tetovasot.
Të përzgjedhurit e Ismail Ismailit e kanë dominuar ndeshjen nga fillimi deri në fund, me një lojë që rrallë shihet në këto grupmosha.

Mes shumë aksioneve të rrjedhshme dhe një mbrojtje të hekurt , skuadra Kuq e Zi nga Tetova i mbuloi gjithë hapësirat një skuadre kualitative siç është Buteli, lider i tabelës ,duke u shkaktuar atyre edhe humbjen e parë.
Treneri Ismaili tha se skuadra ka punuar shumë fortë gjatë gjithë javës por edhe në fazën përgatitore duke dhënë shenja të mjaftueshme për rezultatet që vijnë më pastaj në futboll.

Nuk kishte më mirë se një hapje e tillë e sezonit me plot klas, një lojë mes shumë pasimeve dhe një mbrojtjeje që pati punë të vështirë mes sulmuesit mysafirë, por i neutralizuan plotësisht.
Ndeshjen e radhës Shkëndija U-14 e luan kundër Rabotniçkit që në ndeshjen e parë e fituan bindshëm 4:0 në Tetovë. TETOVASOT