Ushtarët polakë të KFOR-it patrullojnë në veri

Ushtarët polakë të caktuar në Komandën Rajonale në Lindje të misionit të KFOR-it kanë kryer të shtunën një patrullim rutinor në veri të Kosovës.

Në njoftimin e KFOR-it në Facebook thuhet se kjo është bërë për të siguruar lirinë e lëvizjes dhe sigurinë e përgjithshme të zonës.

“Këto përpjekje janë pjesë e misionit të përditshëm të KFOR-it për të garantuar një mjedis të sigurt për të gjitha komunitetet që jetojnë në Kosovë”, thuhet në njoftim