Bosnja dhe Draft Kushtetuta e “Republika Srpska”: Një Hap Provokues pa Fuqi Realizimi

Drafti i Kushtetutës së propozuar nga autoritetet e Republika Srpska (RS) ka shkaktuar një valë reagimesh dhe shqetësimesh në Bosnjë-Hercegovinë dhe më gjerë. Ky draft është paraqitur si një mjet për forcimin e pozicionit të RS në kuadër të Bosnjës dhe Hercegovinës, por gjithashtu shihet nga shumë si një hap i rrezikshëm drejt destabilizimit të rajonit.

Një nga karakteristikat më të spikatura të këtij drafti është se ai e paraqet Republika Srpska si një entitet të pavarur në shumë aspekte, duke synuar forcimin e autonomisë dhe uljen e ndikimit të institucioneve të përbashkëta të Bosnjës dhe Hercegovinës. Kjo nismë ka për qëllim të krijojë një lloj “narrative” që mbështet idenë e një Republika Srpska të forcës më të madhe, një ide që ka shumë përmbajtje të lidhur me politikën hegjemoniste të Serbisë në rajon.

Megjithatë, ndërsa ky draft mund të ketë impakt politik brenda Serbisë dhe në qarqet e caktuara të RS, mbetet në fakt vetëm një dokument simbolik, i cili ka shumë pak mundësi për t’u realizuar në praktikë. Përfaqësuesit ndërkombëtarë, si dhe Bashkimi Evropian dhe Shtetet e Bashkuara të Amerikës, janë të angazhuar fort për ruajtjen e integritetit të Bosnjës dhe Hercegovinës si një shtet i vetëm dhe i pandashëm.

Sipas analistit Qani Shabani, “Ky draft është një përpjekje për të provokuar dhe destabilizuar rajonin. Republika Srpska ka tentuar ta shndërrojë këtë si një dokument ligjor, por realisht ai mbetet vetëm një strategji propagandistike. Pa mbështetje ndërkombëtare dhe pa një vullnet të brendshëm për të zbatuar këto ndryshime, kjo është vetëm një tentativë e dështuar për të krijuar tensione dhe destabilitet.”

Ky draft nuk ka asnjë mundësi të realizohet pa miratimin dhe mbështetje ndërkombëtare. analisti Shabani e cilsonë atë si një manovër propagandistike për të forcuar pozitat e Serbisë dhe për të minuar përpjekjet për paqen dhe stabilitetin në rajon. Pra, ky dokument mbetet një hap politik simbolik pa mundësi të realizohet në praktikë perfundon Shabani