Rasti Vanja: Dëshmon Manev/ Manev: Pyetni Ljupço Palevskin për vrasjen e Vanja Gjorçevskës

I akuzuari i dytë Velibor Manev sot në seancën gjyqësore për vrasjen e Pançes dhe Vanjës ka dëshmuar se si ishte kidnapuar dhe vrarë Vanja Gjorecevska. Manev për herë të parë kishte ballafaqimin e drejtpërdrejtë me të akuzuarin e parë, Palevski, në gjyq.

Pse më vrave fëmijën? Ishte pyetja e babait të Vanja Gjorcevskës që ia bëri të akuzuarit të dytë, Velibor Manev, gjatë seancës së sotme në të cilën u përballën Manev dhe i akuzuari kryesor për vrasjen e dysfisht, Ljupço Palevski.

– Çfarë ndodhi, pse ma vratë fëmijën? – pyeti Aleksandar Gjorçevski.

– Nuk mund t’i përgjigjem kësaj, duhet ta pyesni Ljupço Palevskin, u përgjigj Manev.

Manev për herë të parë kishte ballafaqimin e drejtpërdrejtë me të akuzuarin e parë, Palevski, në gjyq. Fillimisht u pyet se nga e dinte se Pançe Zhezhovski ishte qëlluar.

Si e di se ai është qëlluar në kokë?
“E di, sepse edhe pse ishte i mbuluar me pëlhurë gome, koka e tij ishte e pozicionuar drejt hapjes së gropës. Ai ishte i përdredhur djathtas, këmbët i kishte drejt, duart i kishte të lidhura. Unë u përkula për t’i zgjidhur duart, kështu që në atë pozicion e di ku është koka e tij. Në atë moment ai u afrua dhe qëlloi në kokë. Prandaj e di saktësisht se ku është qëlluar”, tha Manev.

– Ju thatë se pas vrasjes së Pançes keni qenë nën kërcënim për familjen tuaj, por në Prokurorinë Publike më 6 dhjetor 2023 keni deklaruar “I kam besuar verbërisht, si gjithë të tjerët në grup”. Pse nuk e denonconi kërcënimin as në Prokurorinë Publike, as në polici, kur tashmë të gjithë janë arrestuar, kurse unë jam në mungesë? Kujt kishe frikë t’i thuash se ishe nën shantazh dhe kërcënim? – pyeti Palevski.

– Kur kërkova avokat nga policia, ata filluan të më merrnin në pyetje sipas mënyrës së vjetër dhe më duhej të flisja. Kam kërkuar mbrojtje për familjen time, sepse jam duke u shantazhuar. Nuk e di nëse është në raportin e policisë apo jo. Kam thënë gjatë marrjes në pyetje se jam çmendur nga rrahja, tha Manev.

Manev foli edhe njëherë për si gabimisht kishin rrëmbyer Vanjën në vend të gruas që kishte planifikuar Pallco për rrëmbim.

Kur e zbërthyen çantën për të fotografuar vajzën e kidnapuar, Vanjën, aty e kuptuam se kishim rrëmbyer një fëmijë, jo një grua.
“Kjo ndodhi pasi e nxorëm nga makina, nga bagazhi, e shtrimë përtokë, e hapëm çantën dhe ia hoqëm shiritin nga goja që ai të mund ta fotografonte dhe aty pamë që ishte fëmijë”, tha Manev.

Avokati i pyeti se Vanja i kishte treguar numrat e telefonit të prindërve të saj. Pse asnjë prej jush nuk i shënoi këta numra? pyeti avokati Tufegxhiq.

– Nuk kam telefonuar askënd dhe për të tjerët nuk di. Numrat nuk i kam shkruar dhe as nuk i kam mbajtur mend, tha Manev.

– Ju thatë se dëshironi të fotografoni fëmijën me telefonin tuaj për t’i dërguar fotografitë për shpërblim. Pse nuk e bëtë këtë? – pyeti Tufegxhiq.

– Këtë duhet ta pyesni Ljupço Palevskin, tha Manev.

Në fillim të seancës së sotme u njoftua se avokati i të akuzuarit të parë, Ljupço Palevski, Marjan Vitanovski nga Kumanova, ia ka hequr autorizimin klientit të tij dhe nuk do ta përfaqësojë më. Palevski vazhdon të mbrohet nga avokati Jovica Strashevski.

Sipas njoftimit, pas marrjes në pyetje të Manevit, janë paraparë të dëshmojnë të akuzuarit e tjerë në këtë rast: Bore Videvski, Vlatko Keshishev, babai i Vanjës, Aleksandar Gjorçevski dhe në fund Palevski.