Messi vazhdon shkëlqimin në MLS, shënon dhe i siguron fitoren Inter Miamit

Inter Miami ka marrë një fitore të rëndësishme para adhuruesve të vet, teksa ka mposhtur Philadelphia Union me rezultat 2-1 në një ndeshje që vlente për kreun e Konferencës së Lindjes në MLS.

Inter Miami kaloi në epërsi në minutën e 23-të me golin e Robert Taylor dhe momenti që tifozët e skuadrës nga Miami e prisnin me padurim ndodhi në minutën e 55-të kur Taylor doli nga fusha dhe në lojë u inkuadrua Lionel Messi.

Ylli argjentinas humbi edhe ndeshjet me Kombëtaren e tij pasi ishte dëmtuar dhe përballja me Philadelphian ishte në dyshim.

Megjithatë, ai u rikuperua mjaftueshëm për të luajtur për rreth gjysmë ore dhe kaq mjaftoi që ai të shkëlqejë. Më saktësisht, ai tregoi magjinë e tij vetëm dy minuta pas hyrjes në lojë.

Pas një kundërsulmi, Luis Suarez asistoi te Messi, i cili mbeti në një situatë ballë për ballë me Ian Glavinovich.

Messi bëri një driblim që e ka bërë shumë herë gjatë karrierës së tij dhe me një goditje të bukur realizoi për 2-0.

Inter Miami tani është lider në Konferencën e Lindjes me 13 pikë, një më shumë se Philadelphia në pozitën e dytë.

Ndërkohë Messi në tre sfida të zhvilluara në MLS, ka dy gola të shënuar dhe dy asistime.

MIAMI WINS 👊💗 pic.twitter.com/WN0yrinygl

— Inter Miami CF (@InterMiamiCF) March 30, 2025