Rusia sulmon me raketa qytetin Sumi të Ukrainës

Më shumë se 20 njerëz janë vrarë nga një sulm rus me raketa në qytetin Sumi të Ukrainës, njoftuan zyrtarët.

Ushtria ruse i hodhi dy raketa balistike në qendër të qytetit në kohën kur njerëzit ishin mbledhur për të festuar të Dielën e Palmave, sipas zyrtarëve.

Ministri i Punëve të Brendshme i Ukrainës, shkroi në rrjetet sociale se 83 njerëz të tjerë u plagosën, përfshirë shtatë fëmijë. Sulmi ndodhi më pak se një ditë pasi diplomatët e lartë të Rusisë dhe Ukrainës akuzuan njëri-tjetrin për shkeljen e një marrëveshjeje të përkohshme të ndërmjetësuar nga SHBA për ndaljen e sulmeve ndaj infrastrukturës energjetike, duke theksuar vështirësitë e bisedimeve për t’i dhënë fund luftës trivjeçare.