Afrim Gashi uron Numan Kurtulmuş për rizgjedhjen si Kryetar i Asamblesë së Madhe të Turqisë

Kryetari i Kuvendit të Republikës së Maqedonisë së Veriut, Afrim Gashi, ka uruar Numan Kurtulmuş për rizgjedhjen e tij si Kryetar i Asamblesë së Madhe të Turqisë.

Në një mesazh urimi, Gashi shprehu kënaqësinë e tij për këtë emërim, duke e cilësuar atë si një konfirmim të qartë të besimit dhe vlerësimit për udhëheqjen e përgjegjshme dhe vizionare të Kurtulmuş.

“Duke vlerësuar marrëdhëniet e fuqishme miqësore mes Republikës së Maqedonisë së Veriut dhe Republikës së Turqisë, shpreh përkushtimin tim serioz për forcimin e mëtejshëm të bashkëpunimit ndërparlamentar mes dy vendeve tona,” theksoi Gashi.

Ai i uroi Kurtulmuşit suksese të mëtejshme në detyrën e tij të rëndësishme.