Haradinaj kujton dëshmorët e UÇK-së: Sa herë i kërkoi atdheu, ata ishin të gatshëm për sakrificë

Kryetari i AAK-së, Ramush Haradinaj ka kujtuar dëshmorët Enver Dobraj, Jetmir Mazrekaj, Gazmend Lokaj, Ramiz Raci, Safet Rexhepi dhe Shaban Shabanin.

Haradinaj tha se sa herë i kërkoi atdheu këta dëshmorë, ata ishin të gatshëm për sakrificë, transmeton Klankosova.tv.

“Sa herë e kërkoi Atdheu, ata ishin të gatshëm për sakrificë. Enver Dobraj, luftëtar sypatrembur me pushkën e të cilit u shënuan shumë beteja kundër armikut. Të tillë ishin edhe Jetmir Mazrekaj, Gazmend Lokaj, Ramiz Raci, Safet Rexhepi dhe Shaban Shabani. Nder dhe lavdi përjetë!”, ka shkruar Haradinaj në Facebook.