“Lamine Yamal më i mirë se babai yt?”, djali i Ronaldos habit me përgjigjen!

“Lamine Yamal më i mirë se babai yt?”, djali i Ronaldos habit me përgjigjen!

Cristiano Ronaldo konsiderohet si njëri prej futbollistëve më të mirë në histori të futbollit.

Por, legjenda portugeze po shkon drejt fundit të karrierës dhe natyrisht se forma e tij nuk është më si e dikurshmja.

E djali i tij, Cristiano Junior është përballur me një pyetje të sikletshme nga një moshatar në një video në veturë, i cili e pyet nëse Lamine Yamal është më i mirë se babai i tij.

“Ronaldo i vogël” e bëri një përgjigje mjaft diplomatike.

“Tash për tash? Ndoshta po. Ama Yamal nuk ka fituar ende asgjë”, u shpreh Cristiano Junior.

Yamal i mbushi dje 18 vjet ndërsa ka kontribuar në suksesin e Spanjës në Euro 2024, por e fitoi edhe La Ligan me Barcelonën në edicionin e fundit duke qenë njëri prej protagonistëve tek ekipi i Hansi Flick.

Por natyrisht, duke e pasur parasysh moshën e tij të re, nuk mund të krahasohet me sukseset e Cristiano Ronaldos.

Ditë më parë, Ronaldo zbuloi se djali i tij i vogël i thotë se “Kylian Mbappe është më i mirë se ai.”

Por, CR7 tha se në kundërpërgjigje i thotë se “unë kam shënuar më shumë gola se Mbappe”.