Mbi 300 të vdekur që nga e diela, Damasku shpall armëpushim të ri me Druzët

Qeveria siriane ka njoftuar një armëpushim të ri në Sweida, e cila është e banuar kryesisht nga druzët dhe ndodhet në jug.

Një burim i Ministrisë së Brendshme, i cituar nga agjencia zyrtare siriane e lajmeve SANA, njoftoi se është arritur një marrëveshje për një armëpushim në Sweida dhe për vendosjen e barrierave të sigurisë në qytet.

Armëpushimi i parë u shpall të martën. por nuk ka funksionuar. Sipas Observatorit Sirian për të Drejtat e Njeriut dhuna ka vrarë më shumë se 300 persona që nga e diela.

Më herët sot, presidenca siriane u zotua të ndëshkojë autorët e mizorive të kryera në Sweida, ku forcat qeveritare dhe aleatët e tyre janë akuzuar për ekzekutime të shpejta nga organizatat joqeveritare, dëshmitarët okularë dhe grupet druze.

Në një deklaratë, presidenca dënon fuqimisht këto akte të shëmtuara dhe tha se ishte plotësisht e përkushtuar për të hetuar të gjitha këto incidente dhe për të ndëshkuar të gjithë ata që janë përfshirë.