Takime SHBA-Izrael në Itali: Diskutohet për armëpushimin në Gaza

I dërguari amerikan për Lindjen e Mesme, Steve Witkoff, ndodhet në Itali për të zhvilluar takime me zyrtarë të lartë izraelitë dhe katarias në lidhje me mundësinë e një armëpushimi me Hamasin.

Sipas raportimeve, The Guardian shkruan se në planet që do të shqyrtohen përfshihet një armëpushim 60-ditor, rritje e aksesit për ndihmat humanitare dhe lirimi i pengjeve izraelite.

Ky zhvillim vjen ndërkohë që qeveria izraelite ka njoftuar se ka marrë përgjigjen e Hamasit lidhur me një propozim për marrëveshje armëpushimi në Gaza – dhe se kjo përgjigje është aktualisht në shqyrtim. Nuk dihet ende se çfarë përfshin konkretisht kjo përgjigje apo çfarë ka ndryshuar në propozimin e fundit.

Kujtojmë se më herët këtë muaj, zyrtarë palestinezë të njohur me detajet e negociatave kanë thënë për BBC-në, se bisedimet mes Izraelit dhe Hamasit për një marrëveshje të re armëpushimi dhe lirimi pengjesh ishin pranë kolapsit.