Totaj viziton fshatin Lubizhdë pas zjarrit masiv, situata vihet nën kontroll derisa shiu ndihmon zjarrfikësit
Totaj viziton fshatin Lubizhdë pas zjarrit masiv, situata vihet nën kontroll derisa shiu ndihmon zjarrfikësit
Kreu i Komunës së Prizrenit, Shaqir Totaj, ka vizituar fshatin Lubizhdë të Prizrenit, ku sot zjarret kanë shkaktuar dëme të mëdha.
Në njoftimin e Komunës, thuhet se autoritetet po merren me zjarrin masiv që ka shpërthyer dhe po e përcjellin nga afër situatën.
Zjarri në këtë fshat është lokalizuar, derisa Komuna tregon se shiu po ndihmon përpjekjet për mbajtjen nën kontroll të situatës.
Postimi i plotë:
Kryetari Shaqir Totaj posa vizitoi fshatin Lubizhdë në Prizren, së bashku me drejtoreshën e Emergjencave dhe Sigurisë, Ramize Sinanaj Shala, ku si pasojë e temperaturave të larta që po mbretërojnë ditëve të fundit, ka shpërthyer një zjarr masiv, me ç’rast të gjithë faktorët relevant të sigurisë, Policia e Kosovës, Brigada e Zjarrfikësve dhe zyrtarë komunalë, janë në terren dhe po e përcjellin nga afër situatën.
Zjarri tashmë është lokalizuar, derisa shiu po e ndihmon angazhimin në terren, për ta mbajtur situatën nën kontroll dhe për ta garantuar sigurinë e qytetarëve e pasurisë së tyre.