Kallëzim penal në Kumanovë për shkelje të pronësisë industriale dhe shitje të produkteve false

SPB Kumanovë ngriti kallëzim penal kundër R.S. (44) nga Kumanova dhe kundër një personi juridik, për shkak të ekzistimit të bazave të dyshimit për kryerjen e veprës penale “Shkelja e të drejtave të pronësisë industriale dhe përdorimi i paautorizuar i firmës së huaj”.

Më 8 shkurt 2025, gjatë kontrollit të ushtruar në një objekt tregtar në pronësi të personit juridik të denoncuar, në Kumanovë, u konstatua se aty po bëhej shitja e veshjeve me shenja të falsifikuara të markave tregtare. Për rastin janë ndërmarrë procedurat ligjore përkatëse.TS