Përleshje në Ohër – Dy persona nën hetim për dhunë, njëri akuzohet edhe për lëndim të rëndë trupor

Sektori për Punë të Brendshme në Ohër ka ngritur kallëzim penal ndaj dy personave pas një incidenti të dhunshëm të ndodhur më 08 korrik 2025 në qytetin e Ohrit.

Sipas informacioneve zyrtare, të kallëzuarit janë A.L. (33) nga fshati Hame i rrethit të Dibrës dhe N.Sh. (41) nga fshati Kalishtë i rrethit të Strugës. Ata dyshohen për veprën penale “Dhunë”, ndërsa ndaj N.Sh. rëndon edhe akuza shtesë për “Lëndim të rëndë trupor”.

Ngjarja ndodhi kur A.L., sipas hetimeve, e sulmoi fizikisht shtetasin E.P. duke përdorur një send të fortë. Si reagim ndaj këtij akti, N.Sh. e goditi A.L.-në dhe i shkaktoi lëndime trupore.

Materialet hetimore janë dorëzuar në Prokurorinë Publike për procedim të mëtejmë. Autoritetet po vazhdojnë hetimet për zbardhjen e plotë të rastit.TS