Trump: Do ta diskutojmë “këmbimin e territoreve”, por vendimi i takon Ukrainës

Presidenti amerikan ëhstë pyetur nga një gazetarë se a do të diskutohet në samitin me homologun rus në Alaskë edhe këmbimi i territoreve ndërmjet Rusisë dhe Ukrainës, raporton BBC.

“Do të diskutohen, por më duhet t’ia lë Ukrainës marrjen e atij vendimi, dhe ma merr mendja se ata do ta marrin vendimin e duhur”, ka deklaruar Donald Trump rrugës për Alaskë ku sonte do të takohet me Vladimir Putinin në samitin e parë ndëmrjet dy fuqive prej vitit 2022.

“Por unë nuk jam këtu që të negocioj për Ukrainën”, ka thënë shefi i Shtëpisë së Bardhë, duke shtuar se po të mos ishte ai, Putini do ta pushtonte krejt Ukrainën, “Por ai nuk do ta bëjë këtë”.

Një reporter e ka pyetur pastaj Trumpit për mundësinë e ofrimit të garancive amerikane të sigurisë Ukrainës.“Mbase”, ia ka kthyer Trump, do të ketë “mundësi” bashkë me “Europën dhe vendet e tjera”, por ka thënë jo si pjesë e NATO-s.

Kur është pyetur nëse do të diskutohen edhe mundësitë ekonomike, Trump ka thënë “nëse shënojmë përparim”.