Mediat pranë VMRO-DPMNE-së zhvillojnë fushatë lajmesh të rreme kundër opozitës shqiptare
Mediat e afërta me partinë maqedonase në pushtet VMRO-DPMNE dhe të përmendura nga disa raporte të pavarura si të financuara nga burime të huaja, konkretisht Moska dhe Beogradi, po zhvillojnë një fushatë dezinformimi ndaj opozitës shqiptare, Besëlidhjes – Aleancës Kombëtare për Integrim. Kjo opozitë përbëhet nga liderë që kanë shprehur publikisht shqetësime për ndikimin e interesave serbe në politikën e Maqedonisë së Veriut.
“Sulmet ndaj opozitës shqiptare kanë disa karakteristika të përsëritura: Publikimi i informatave të pabazuara ose të paverifikuara, shpesh të sinkronizuara me qëndrimet e VMRO-DPMNE-së, Përqëndrimi mbi individë specifikë, kryesisht Bujar Osmani dhe Arben Taravari, Përdorimi i titujve sensacionalistë dhe pyetjeve provokuese, si në rastin e shkrimit: “E di kush të ndihmoi të arratisesh dhe kush loboi që të kthehesh, ndihmo tani” a janë dërguar mesazhe me këtë përmbajtje nga një person nën ndikimin e alkoolit ose drogës në një telefon celular hungarez”, shprehet analisti Gent Aliu.
Ky është një shembull i qartë i lajmit të rrejshëm që nuk është konfirmuar nga asnjë palë, përfshirë BDI dhe VMRO-DPMNE.
Qëllimet janë të qarta, diskreditimi i liderëve shqiptarë, thotë Aliu. Duke shpërndarë dezinformata, këto media synojnë të krijojnë dyshime mbi integritetin dhe profesionalizmin e liderëve të opozitës shqiptare. Këto shkrime me porosi, synojnë shkëputja e komunitetit shqiptar nga opozita e vete, duke përdorur tituj provokues dhe akuza të pabazuara, krijohet një narrativë negative që mund të ndikojë në perceptimin e qytetarëve.
Ajo që vërehet, është sinkronizimi me agjendën e pushtetit maqedonas. Pavarësisht se mediat nuk janë zyrtarisht pjesë e partisë në pushtet, ato përhapin mesazhe që mbulojnë ose mbrojnë veprimet e VMRO-DPMNE-së dhe diskreditojnë opozitën shqiptare.
Impakti mbi opinionin publik tentohet të jetë rritja e polarizimit etnik dhe politik: Ky lloj dezinformimi mund të thellojë ndarjet ndër-etnike dhe të politizojë opinionin publik në mënyrë artificiale. Dobësimi i besimit në media: Publikimi i lajmeve të pabazuara dhe sensacionaliste dobëson besimin e qytetarëve në informacionin e medias dhe krijon konfuzion mbi çështje reale, si dhe përqëndrimi mbi liderë të caktuar: Fokusi i sulmeve mbi Bujar Osmani dhe Arben Taravari krijon perceptimin e një “luftë personale” mediatike, duke lënë mënjanë debatet mbi politika reale.
“Situata tregon një model të qartë të përdorimit të mediave për fushata dezinformimi me motive politike. Për qytetarët dhe analistët është e rëndësishme të verifikohen burimet dhe informacionet para se të pranohen si të vërteta, lajmet që përmbajnë akuza sensacionaliste pa prova duhet trajtuar me skepticizëm, dhe opozita shqiptare duhet të vazhdojë komunikimin transparent me publikun, duke përdorur burime të besueshme dhe kanale zyrtare për të kundërshtuar dezinformatat”, shprehet Gent Aliu, analist.
Në konkluzion, kjo situatë është shembull i qartë i përdorimit të mediave të kontrolluara për të ndikuar në perceptimin politik të një komuniteti, duke demonstruar nevojën për rritjen e edukimit mediatik dhe përforcimin e mekanizmave të kontrollit të informacionit. Flaka Media