Sportisti i njohur nga Çairi, Nexhmedin Memedi, mbështet Izet Mexhitin

Kandidati për kryetar të Komunës së Çairit nga VLEN, Izet Mexhiti, ka
zhvilluar një takim me sportistin e mirënjohur nga Çairi, Nexhmedin
Memedin, ish-kapitenin e gjeneratës së artë të FC Shkupit.

Me këtë rast, Mexhiti ka ndarë një fotografi dhe ka shprehur mirënjohje
për përkrahjen e marrë nga legjenda e futbollit, duke theksuar respektin
e tij për figurën sportive që për vite ka qenë simbol i suksesit dhe
krenarisë për qytetin.

“Një kafe me Nexhmedin Memedin, kapitenin e gjeneratës së artë kampione
të klubit tonë të zemrës, FC Shkupi! Mirënjohës për përkrahjen, Neçko!”,
ka shkruar Mexhiti.

Ky gjest shihet si një mesazh i fuqishëm bashkimi, ku sporti dhe jeta
publike ndajnë të njëjtat vlera të përkushtimit, suksesit dhe përkrahjes
së ndërsjellë.