Nga një bulevard pa leje tek një qytet pa vizion

Rasti i bulevardit “Boris Kidriç”, i cili sipas denoncimit të kandidatit Bajram Rexhepi po ndërtohet pa leje, nuk është një rast i izoluar. Ky është vetëm një simptomë e mënyrës se si funksionon garnitura aktuale komunale: pa plan, pa transparencë dhe shpeshherë në shkelje të ligjit shkruan Tetovasot.

Kur bulevardi kryesor i një qyteti ndërtohet në mënyrë të paligjshme, kjo nuk është thjesht shkelje teknike, por fyerje ndaj qytetarëve dhe tregues i degradimit të udhëheqjes. Për çudi, nuk është hera e parë. Shumë projekte të tjera në Tetovë janë nisur me pompozitet, por kanë përfunduar si gjysmë-punë, me vonesa, me dyshime për keqpërdorime dhe me cilësi nën standard.

Kjo garniturë komunale ka treguar se nuk është në gjendje të menaxhojë qytetin me seriozitet. Qytetarët e shohin çdo ditë këtë realitet: rrugë të rrënuara, mbeturina që nuk menaxhohen, mungesë të infrastrukturës moderne dhe projekte që shpesh përdoren vetëm si dekor elektoral percjelle Tetovasot.

Tetova nuk ka nevojë për ndërtime pa leje e punime të improvizuara, por për vizion, ligjshmëri dhe investime që i japin dinjitet qytetit. Dhe kjo nuk do të vijë nga një udhëheqësi që tashmë ka dështuar në shumë fronte.TS