Kallëzim penal për dy persona në Manastir për lëndë narkotike

SPB Manastir ka ngritur kallëzim penal kundër D.Ç. (37) dhe Z.M. (41), të dy nga Manastiri, për shkak të dyshimit të bazuar për kryerjen e veprës penale “Prodhimi i paautorizuar dhe lëshimi në qarkullim i drogave narkotike, substancave psikotrope dhe prekursorëve”.

Sipas policisë, në një dhomë të Institucionit Ndëshkues-Përmirësues – Burgu i Manastirit, nëpunësit e burgut ushtruan kontroll ndaj të denoncuarit të parë. Gjatë kontrollit u gjetën dhe sekuestruan një telefon celular dhe sasi marihuane, e cila dyshohet se i ishte hedhur më herët përmes gardhit nga i denoncuari i dytë, në bllokun e hapur të institucionit.

Materialet janë dorëzuar për procedurë të mëtejshme ligjore.TS