Erdogani i thotë Meloni-it leje cigaren: Do vrisja dikë nëse do të më duhej ta lija duhanin (VIDEO)
Në një samit në Egjipt, të përqendruar në arritjen e një paqeje më të gjerë në Lindjen e Mesme dhe mbështetjen e një armëpushimi në Gaza, presidenti turk, Rexhep Tajip Erdogan, gjeti një objektiv të ri për luftën e tij kundër duhanit.
Në margjinat e samitit të paqes në Gaza në Sharm el-Sheikh, presidenti turk i kërkoi kryeministres italiane, Giorgia Meloni të linte duhanin.
Ai u dëgjua duke i thënë Melonit: “Të pashë duke zbritur nga aeroplani. Dukesh shumë mirë. Por duhet të të bëj ta lësh duhanin”, në pamjet e transmetuara nga Agjencia e Lajmeve İhlas.
Presidenti francez, Emmanuel Macron, që qëndronte aty pranë, qeshi dhe i hodhi poshtë shpresat e Erdoganit, duke thënë: “Është e pamundur!”.
Meloni u përgjigj me një paralajmërim se lënia e duhanit mund ta bënte më pak të shoqërueshme, duke shtuar: “E di, e di… nuk dua të vras dikë”.
Në një libër të kohëve të fundit të bazuar në intervista, Meloni pranoi se pirja e duhanit e ndihmoi të lidhej me udhëheqës të tjerë globalë, përfshirë presidentin tunizian, Kais Saied.
View this post on Instagram
