Aksident në magjistralen Ohër–Resnjë, një person lëndohet rëndë

Një aksident trafiku ka ndodhur të premten rreth orës 13:10 në magjistralen Ohër–Resnjë, ku janë përfshirë dy automjete dhe janë regjistruar dy persona të lënduar, njëri prej tyre rëndë.

Sipas njoftimit të SPB Ohër, në aksident janë përfshirë një automjet pasagjerësh “Renault” me targa të Ohrit, i drejtuar nga D.P. (58) nga fshati Reçan, komuna e Kërçovës, dhe një automjet mallrash “Iveco” me targa të Shkupit, që drejtohej nga V.B. (27) nga fshati Beranci, komuna e Manastirit.

Nga përplasja, shoferi D.P. ka pësuar lëndime të rënda trupore, ndërsa V.B. ka marrë lëndime më të lehta. Të dy janë dërguar në Spitalin Special “Shën Erazmo” në Ohër, ku u është konstatuar gjendja shëndetësore.

Në vendngjarje ka kryer këqyrje një ekip hetimor nga SPB Ohër, i cili po punon për zbardhjen e shkaqeve të aksidentit.TS