Hajdutët bëjnë kërdinë në Reçicë të Vogël – vetëm mbrëmë kanë hyrë në tre shtëpi

Natën e kaluar, rreth orës 3 deri në 4 të mëngjesit, disa hajdutë kanë hyrë në disa shtëpi në Reçicë të Vogël, duke vjedhur sende me vlerë. Dyshohet se ata janë futur nga dritaret e tualeteve, duke shfrytëzuar momentin kur banorët ishin në gjumë.

Pas raportimit të ngjarjeve, në vendin e ngjarjes kanë dalë njësitet policore, të cilat kanë kryer këqyrjen e terrenit dhe po punojnë për zbardhjen e rasteve.

Autoritetet u bëjnë apel qytetarëve që të mos i lënë dritaret e vogla të tualeteve të hapura gjatë natës, për të shmangur raste të ngjashme.