Pasagjeri lëndohet rëndë pas rënies në autobus në Shkup

Më 07 nëntor 2025, rreth orës 16:30, në SPB Shkup është raportuar një aksident i pazakontë në bulevardin “Kuzman Josifovski Pitu”.

Sipas njoftimit, Z.N. (57) nga Shkupi, i cili udhëtonte si pasagjer në një autobus të drejtuar nga G.R. (59) nga fshati Vollkovë, ka rënë brenda në autobus, duke pësuar lëndime të rënda trupore.

Lëndimet janë konstatuar në Spitalin e Përgjithshëm të Qytetit “Shën Naum Ohri”, ndërsa në vendngjarje ka dalë një ekip hetimor nga SPB Shkup që ka kryer këqyrjen për zbardhjen e plotë të rastit.TS