Strugë – Aksident mes “Golf”-it dhe autobusit, lëndohet rëndë një pasagjere

Më 21 nëntor 2025, rreth orës 11:20, në NJPB Strugë është raportuar për një aksident trafiku të ndodhur në rrugën rajonale Strugë–Dibër, në afërsi të Strugës.

Aksidenti ka përfshirë automjetin “Volkswagen Golf” me targa të Strugës, i drejtuar nga K.Q. (70) nga fshati Veleshtë, dhe një autobus “Mercedes” po ashtu me targa të Strugës, i drejtuar nga N.F. (42) nga fshati Labunishtë.

Si pasojë e përplasjes, lëndime të rënda trupore ka pësuar pasagjerja e autobusit, F.A. (58) nga Labunishta. Lëndimet i janë konstatuar në Qendrën Mjekësore të Strugës.

Me urdhër të prokurorit publik, në vendngjarje është kryer ekspertizë nga ekipi hetimor i OVR Strugë, të cilët po punojnë për zbardhjen e plotë të rrethanave të aksidentit.TS