SPB Shkup ngrit kallëzim penal ndaj 19-vjeçarit nga Shkupi për drogë

Sektori për Punë të Brendshme Shkup ka ngritur kallëzim penal kundër D.A. (19) nga Shkupi, për shkak të dyshimit të bazuar se ka kryer veprën penale “prodhimi i paautorizuar dhe lëshimi në qarkullim i drogave narkotike, substancave psikotrope dhe prekursorëve”.

Sipas të dhënave të policisë, më 07.07.2025, në territorin e Shkupit, zyrtarët policorë kanë ushtruar kontroll ndaj të dyshuarit. Gjatë kontrollit është gjetur dhe sekuestruar marihuanë, e cila dyshohet se ishte destinuar për përdorim apo shpërndarje të mëtejshme.

Materialet e rastit janë dorëzuar në Prokurorinë Publike për procedurë të mëtejshme, ndërsa ndaj të dyshuarit do të ndërmerren masat ligjore në përputhje me dispozitat në fuqi.TS