PAMJE/ Momenti kur një ortek i madh përfshin një pistë për ski në Austri, 3 të lënduar

Një operacion i madh kërkimi është duke u zhvilluar në një nga vendpushimet më të mëdha të skive në Austri këtë të enjte, pasi disa skiatorë u rrëmbyen nga një ortek i madh.

Incidenti ndodhi pranë Qafës Daunscharte, një zonë jashtë shpateve të shënuara, në Akullnajën Stubai, sipas zyrtarëve.

Ekipet e shpëtimit nxorën nëntë persona të gjallë, ndërsa tre të plagosur u dërguan me helikopter në një spital në Tirol. Nuk dihet se sa serioze ishin lëndimet e tyre.

Operacioni i shpëtimit mobilizoi rreth 250 persona, përfshirë shpëtimtarë, ekipe me qen të trajnuar posaçërisht dhe helikopterë kërkimi. Masat e mëdha të borës arritën edhe në një pjesë më të ulët të shpatit, gjë që çoi në pezullimin e operacionit të tij për arsye sigurie.

Pavarësisht reagimit të menjëhershëm të Autoriteteve, deri në mesditë nuk kishte një pamje të qartë nëse kishte ende njerëz të bllokuar nën borë, me kërkimet që vazhdonin intensivisht duke pasur parasysh kushtet e vështira të motit dhe rrezikun e rënieve të reja.