DPHM: Më ftohtë në Krushevë, më ngrohtë në Gjevgjeli

Gjatë 24 orëve të fundit, më shumë reshje shiu janë regjistruar në Demir Kapi, ku kanë rënë 40 litra për metër katror.

Pasojnë Radovishi dhe Pozhari me nga 37 litra, Gjevgjelia me 35 dhe Shtipi me 28 litra.Në Strumicë kanë rënë 19 litra, në Vinicë 16, në Kumanovë 15, ndërsa nga 13 litra janë regjistruar në Kavadari dhe Kriva Pallankë.

Kodra e Diellit ka regjistruar 12 litra, Pretori 11, Mavrova dhe Shkup–Petrovec nga 10, Berova 8, Lazaropole 7, Velesi 6, Pozharane 5, ndërsa nga 4 litra janë shënuar në Manastir, Tetovë, Krushevë dhe Prilep. Në Shkup–Zajçev Rid dhe Topollçan, janë regjistruar nga 1 litër shi. Mëngjesi ka qenë i akullt në disa zona malore, ku temperaturat zbritën nën zero. Mavrovë, Lazaropole dhe Pozhari ishin më të ftohtat, me temperatura prej -1°C.

Temperatura prej 0°C u regjistrua në Pozharane dhe Krushevë, ndërsa Kriva Pallanka u zgjua me 1°C. Në Pretor, Ohër, Topollçan, Kumanovë dhe Vinicë u regjistruan 2°C, ndërsa 3°C në Tetovë, Shtip, Prilep, Berovë dhe Shkup–Zajçev Rid.Në Manastir, Veles, Kavadar, Strumicë, Demir Kapi dhe Shkup-Petrovec temperatura arriti 4°C. Qyteti më i ngrohtë në vend ishte Gjevgjelia, me 5°C.

Sot pritet mot me vranësira të ndryshueshme dhe periudha me diell. Në zonat malore dhe vendet më të larta herë pas here do të ketë reshje të dobëta bore. Do të fryjë erë e lehtë deri mesatare nga drejtimi veriperëndimor, ndërsa temperatura maksimale do të variojë nga 5 deri në 11°C.

Edhe në Shkup pritet mot me vranësira të ndryshueshme dhe periudha me diell, si dhe erë mesatare nga drejtimi verior. Temperatura maksimale në kryeqytet do të arrijë deri në 8°C.