Pesë persona arrestohen në Shkup për posedim droge gjatë aksioneve të 28/29 nëntorit

Më 28 dhe 29 nëntor 2025, në disa lokacione të ndryshme në Shkup, zyrtarë policorë nga SPB Shkup kanë realizuar një sërë kontrollesh, të cilat kanë rezultuar me arrestimin e pesë personave të dyshuar për posedim të lëndëve narkotike.

Nga kontrollimet e kryera, policia ka privuar nga liria:

D.K. (29) nga Republika e Sllovenisë,

O.O. (30) nga Republika e Turqisë,

M.I. (39) nga Shkupi,

R.Sh. (42) nga Shkupi,

K.K. (43) nga Shkupi.

Gjatë kontrolleve tek të dyshuarit janë gjetur dhe konfiskuar marihuanë, lëndë e bardhë në formë të fortë, si dhe katër shishe me lëng, të cilat dyshohet se janë substanca narkotike.

Nga policia njoftojnë se pas dokumentimit të plotë të rasteve, ndaj personave të përfshirë do të ngrihen parashtresat përkatëse penale.TS