Numër i madh tetovarësh i bashkohen PDSH-së

Partia Demokratike Shqiptare informon opinionin se procesi i riorganizimit po vazhdon me mbështetje të jashtëzakonshme nga qytetarët. Sot, një numër i madh tetovarësh – nga profile të ndryshme, të rinj e të moshuar – iu bashkuan PDSH-së, duke forcuar ndjeshëm energjinë e ringritjes së partisë.

Në këtë takim, koordinatori për riorganizimin, z. Imer Aliu, uroi mirëseardhjen për anëtarët e rinj në PDSH dhe theksoi se shqiptarët për çdo ditë po distancohen nga strukturat politike të kontrolluara nga qendra jo shqiptare, të cilat për vite e kanë penguar zhvillimin, përfaqësimin dhe dinjitetin politik të shqiptarëve në vend, dhe i bashkohen Partisë Demokratike Shqiptare.

Partia Demokratike Shqiptare falënderon të gjithë qytetarët që po i bashkohen këtij procesi dhe siguron se riorganizimi do të vazhdojë me vendosmëri në të gjitha komunat pa përjashtim.