Taravari: Izeti është lavatriçe e BDI-së (VIDEO)

Kryetari i ASH-së dhe njëri nga liderët e koalicionit AKI, Arben Taravari, në hapjen e fushatës për zgjedhjet e përsëritura në Gostivar, deklaroi se kandidati i koalicionit të tyre, Valbon Limani, do të shënojë fitore të thellë ndaj kundërkandidatit Nevzat Bejta.

Në fund të fjalimit, Taravari lavdëroi zhvillimet brenda BDI-së, duke vlerësuar se disa figura të vjetra po riciklohen përmes aleancave të reja. Ai përgëzoi Ali Ahmetin për Kongresin partiak dhe reformat e shpallura, duke theksuar se këto ndryshime, sipas tij, janë vlerësuar edhe nga faktori ndërkombëtar.

“Izet Mexhiti është bërë si lavatriçe e BDI, duke marrë me vete figura si Nevzat Bejta e Ramis Merko”, tha Taravari.