Ngjarje tragjike në Brigadën e Zjarrfikësve të Shkupit: Në vendin e punës ndërron jetë një zjarrëfikës 57-vjeçar

Një ngjarje tragjike ka tronditur Brigadën Kundër Zjarrit të Shkupit. Dje në mëngjes (25.12), rreth orës 08:00, në ambientet e Brigadës është gjetur pa shenja jete 57-vjeçari Z.A. nga fshati Mralino, Komuna e Ilindenit.

Trupi i pajetë i të punësuarit është gjetur nga kolegët e tij, të cilët menjëherë kanë thirrur Ndihmën e Shpejtë. Mjekët, fatkeqësisht, kanë konstatuar vetëm vdekjen.

Kontrollet fillestare kanë treguar se në trup nuk ka shenja të dukshme dhune. Rasti është raportuar në SPB Shkup, ndërsa për përcaktimin e shkaqeve të sakta të vdekjes, trupi është dërguar për obduksion.