Arrestim në Tetovë për sulm fizik në Bërvenicë

Tetovë, 27 dhjetor – Zyrtarë policorë nga SPB Tetovë kanë privuar nga liria A.M. (44) nga Tetova, i dyshuar për sulm fizik raporton Tetovasot .

Sipas policisë, rreth orës 01:00 pas mesnate, para një objekti hotelierik në fshatin Bërvenicë, A.M. së bashku me disa persona të tjerë kanë sulmuar fizikisht G.S. (48) nga Bërvenica, duke i shkaktuar lëndime trupore.

Lëndimet janë konstatuar në Spitalin Klinik të Tetovës. I dyshuari është ndaluar në stacion policor dhe pas dokumentimit të rastit do t’i përgatitet parashtresë përkatëse.TS