31 cm borë në Kodrën e Diellit

Sasia më e madhe e borës është regjistruar në Kodrën e Diellit, ku nga rreshjet e natës mbulesa e borës ka arritur në 31 cm, ndërsa në Kriva Pallankë janë matur vetëm 2 cm.

Mëngjesin e sotëm më ftohtë ka qenë në Kodrën e Diellit, ku janë matur -4 gradë.

Pas saj, temperatura prej -3 gradësh është shënuar në Kumanovë, -1 në Shkup–Petrovec, Shkup–Zajçev Rid dhe Mavrovi Anovi. Zero gradë janë regjistruar në Kriva Pallankë, Shtip, Veles dhe Krushevë. Një gradë ka pasur në Tetovë, Ohër dhe Vinicë, 2 gradë në Pretor dhe Kavadarc, 3 gradë në Demir Kapi, 4 në Prilep dhe Berovë, 5 në Manastir dhe Strumicë, ndërsa 7 gradë në Gjevgjeli.

Moti do të jetë pjesërisht i vranët me reshje të herëpashershme lokale bore, ndërsa në zonat më të ulëta shi dhe borë.