Costa: Evropa po koordinon përgjigjen e saj ndaj tarifave të Trump mbi Grenlandën

Presidenti i Këshillit Evropian, Antonio Costa ka njoftuar se Evropa po koordinon një përgjigje të përbashkët ndaj vendosjes së tarifave nga Trump ndaj vendeve që kundërshtojnë planin e tij për Groenlandën.

“Ajo që mund të themi është se Bashkimi Evropian ka pasur gjithmonë një qëndrim shumë të vendosur në mbrojtjen e së drejtës ndërkombëtare, kudo që ajo shkelet, e cila sigurisht fillon brenda territorit të shteteve anëtare të Bashkimit Evropian”, tha Costa gjatë një konference për shtyp pas nënshkrimit të marrëveshjes së tregtisë së lirë midis BE-së dhe Mercosur.

Bota politike në Danimarkë reagoi gjithashtu ndaj vendosjes së tarifave. Udhëheqësja e Partisë Demokratike, Inger Stojberg, i tha transmetuesit kombëtar danez DR se Danimarka nuk duhet t’i nënshtrohet metodave të frikësimit të Trump.

“Mjaft më. Kërcënimet për tarifa duhet të përballen me solidaritet dhe rezistencë evropiane”, tha gjithashtu deputeti Pele Dragstedt.