Ushtarët gjermanë largohen nga Grenlanda disa orë pasi Trump kërcënoi me tarifa doganore

Bild raporton për largimin e papritur të personelit ushtarak gjerman që mbërriti në Groenlandë vetëm 44 orë pas mbërritjes së tyre në ishullin Arktik, duke përfshirë një foto nga aeroporti. Megjithatë, Berlini njoftoi dje se 15 ushtarakët do të qëndrojnë në Grenlandë më gjatë se sa ishte planifikuar fillimisht.

Sipas gazetës gjermane, vendimi u mor sot, të dielën, në mëngjes pa iu dhënë asnjë shpjegim ushtarakëve. Urdhri ishte i thjeshtë: “Kthehuni prapa”, shkruan Bild, duke shtuar se të gjitha takimet e planifikuara të gjermanëve në Grenlandë për sot janë anuluar një nga një.

Megjithatë, mbetet e paqartë nëse vendimi i Berlinit lidhet me kërcënimet e Trump, dje, të shtunën, për të vendosur tarifa ndaj 8 vendeve evropiane – përfshirë Gjermaninë – që kanë dërguar personel ushtarak në Grenlandë, apo lidhet me arsye të tjera.