17-vjeçari nga Dobërdolli pëson helmim me monoksid karboni

Më 27.01.2026 në orën 11:45, nga Ndihma e Shpejtë Mjekësore në Gostivar është denoncuar se në Qendrën Urgjente është sjellë një 17-vjeçar nga fshati Dobërdoll në gjendje pa ndjenja, si pasojë e helmimit me monoksid karboni. Pas këqyrjes së vendit të ngjarjes është konstatuar se i mituri kishte fjetur në një dhomë bodrumi, ku kishte një ngrohëse me peletë, dhe pasi babai i tij e kishte ndezur ngrohësen, dhoma ishte mbushur me tym. Këqyrjen e vendit të ngjarjes e ka kryer ekipi i DPB Gostivar.