“Nuk kemi gisht në djegien e Kuranit” – Lëvizja për Rikthim reagon ndaj akuzave të myftiut
Një ditë më parë Myftiu i Kosovës, Naim Tërnava, ka reaguar i tronditur pas djegies së librit të shenjtë Kuran në varrezat e Çabratit në Gjakovë, duke e cilësuar këtë veprim si akt vandal, kriminal dhe të “porositur”.
Sipas Tërnavës, raste të tilla janë pasojë e propagandës dhe gjuhës së urrejtjes që, sipas tij, po përhapet nga individë dhe grupe të caktuara.
Ndërkohë, lidhur me akuzat për deklarata nxitëse, ka reaguar edhe Lëvizja për Rikthim. Përfaqësuesi i saj, Arben Gashi përmes një interviste me “Kosova Live” në T7 ka mohuar çdo përfshirje të kësaj lëvizjeje në djegien e Kuranit, duke theksuar se askush nga grupi që ai përfaqëson nuk ka kryer një gjest të tillë.
Gashi tha se deklaratat e tyre janë keqinterpretuar dhe se Lëvizja për Rikthim nuk qëndron pas asnjë veprimi që cenon ndjenjat fetare apo nxit urrejtje.
Rasti i djegies së Kuranit në Çabrat është duke u hetuar nga Policia e Gjakovës.
Për më shumë, ndiqni videon:
