MSH për mostrat e trurit: Nuk kemi kompetenca në zbatimin e veprimtarisë shkencoro-hulumtuese
Lidhur me temën aktuale në publik rreth një studimi shkencor mbi mostrat e trurit midis Institutit të Mjekësisë Ligjore dhe Akademisë së Shkencave të Maqedonisë, theksojnë se Ministria e Shëndetësisë nuk ka kompetenca të drejtpërdrejta në zbatimin e aktiviteteve kërkimore-shkencore, njoftoi Мinistria këtë pasdite.
“Nga Fakulteti i Mjekësisë jemi informuar se puna kërkimore-shkencore në lidhje me materialin biologjik që përmban karakteristika gjenetike i nënshtrohet rregullimit normativ rigoroz, siç janë Ligji për veprimtarinë kërkimore-shkencore, rregullorja për studimet klinike, udhëzimet për procedurën e transferimit dhe transportit të materialeve biologjike, si dhe metoda e paketimit dhe etiketimit të materialeve biologjike”, thuhet në njoftimin e Ministrisë së Shëndetësisë.
Gjithashtu theksohet se në periudhën kohore të treguar, detyrimi ligjor për të ruajtur këtë dokumentacion ishte 15 vjet, dhe nga viti 2018 e tutje, detyrimi ligjor për të ruajtur dokumentacionin është 25 vjet.
“Procedura për transportimin e indeve gjatë asaj periudhe kohore përbëhej nga: pëlqimi i informuar i familjes, i ndjekur nga një vendim nga një komitet etik për kërkime njerëzore, që procedura të vazhdojë me një leje për eksportin e indeve nga Byroja e atëhershme e barnave, e cila saktësisht përcakton se indi është për kërkime shkencore dhe për çfarë qëllimesh përdoret materiali. Dëshirojmë të sqarojmë gjithashtu se kur bëhet fjalë për eksportin e materialit biologjik, para se të fillojë vetë procedura, është e nevojshme që institucionet shkencore në vend dhe jashtë vendit, të cilat kërkojnë miratim për eksportin e materialit biologjik, të kenë një marrëveshje formale të lidhur – një memorandum, i cili liston dhe specifikon protokollet e detajuara në përputhje me rregulloret dhe kornizën normative të sotme – kushte të përcaktuara në mënyrë strikte ku çdo trajtim i materialit biologjik trajtohet saktësisht, si dhe pse kryhet kërkimi, të përcaktohet qartë trajtimi i materialit biologjik, siç është mbledhja, transporti, pranimi nga institucioni dhe trajtimi i mëtejshëm”, shtoi Ministria e Shëndetësisë në komunikatë.