Gostivari ndezi dritat e Ramazanit, Limani: Njësoj si këto drita festive, e ndriçoftë çdo zemër muaji i Shenjtë i Ramazanit!

Gostivari ndezi dritat e Ramazanit, Limani: Njësoj si këto drita festive, e ndriçoftë çdo zemër muaji i Shenjtë i Ramazanit!

Edhe këtë vit, qyteti i Gostivarit është zbukuruar me dritat festive me rastin e muajit të shenjtë të Ramazanit, duke krijuar një atmosferë të veçantë për besimtarët dhe të gjithë qytetarët.

Lajmin e ka bërë të ditur vetë Kryetari i Komunës së Gostivarit, Valbon Limani, përmes një videoje të publikuar në rrjetin social Facebook.

“Njësoj si këto drita festive, ndriçoftë çdo zemër muaji i Shenjtë i Ramazanit!”, ka shkruar Limani në përshkrimin e videos, duke përcjellë një mesazh urimi, paqeje dhe solidariteti për të gjithë besimtarët myslimanë.

Vendosja e dekorimeve festive tashmë është bërë traditë në Gostivar gjatë muajit të Ramazanit, duke reflektuar frymën e bashkëjetesës, respektit dhe harmonisë ndërmjet komuniteteve në qytet.