Aeroplanmbajtësja më e madhe në botë mbërrin në brigjet izraelite mes përforcimit ushtarak amerikan në rajon

Aeroplanmbajtësja amerikane Gerald R. Ford, më e madhja në botë, mbërriti sot në brigjet e Izraelit, sipas medias izraelite “Channel 12”, transmeton Anadolu.

Ushtria amerikane nuk ka bërë asnjë njoftim zyrtar.

Thuhet se mbërritja e aeroplanmbajtëses erdhi pasi 20 avionë amerikanë të furnizimit me karburant zbarkuan në Izrael të enjten në mbrëmje.

Autoriteti Izraelit i Transmetimeve kishte raportuar më parë mbërritjen e katër avionëve amerikanë të furnizimit me karburant KC-46A Pegasus në aeroportin “Ben Gurion” pranë Tel Avivit.

Raportet thonë se mbërritjet janë pjesë e një forcimi ushtarak amerikan në rajon, për shkak të mundësisë së një sulmi ushtarak kundër Iranit.