Aksident i rëndë në Kërçovë: një i lënduar rëndë, arrestohet shoferi i dehur

Më 18.03.2026, në orën 17:25, në NJPB Kërçovë u njoftua se në rrugën rajonale Kërçovë-Osllomej ka ndodhur aksident rrugor midis një automjeti udhëtarësh “Audi” me targa të Kërçovës, i drejtuar nga F.F. (29) nga Kërçova dhe një automjeti udhëtarësh “Pezho” me targa të Kërçovës, i drejtuar nga A.Xh. (55) nga fsh. Cërvevc, rrethina e Kërçovës. Pas aksidentit, të dy shoferët u dërguan në spitalin e Kërçovës, ku A.D. iu konstatuan lëndime të rënda trupore, ndërsa F.F. iu konstatuan lëndime trupore. Gjatë marrjes së masave dhe kryerjes së alkotestit, është konstatuar se A.Xh. e ka drejtuar automjetin nën ndikimin e alkoolit, përkatësisht i janë matur 1.71 promilë alkool në gjak. Me urdhër të prokurorit publik, ai u privua nga liria, ndërsa automjeti iu konfiskua. Pas dokumentimit të plotë të rastit, ndaj tij do të ngrihet kallëzim përkatës.