Mister në Gostivar: 77-vjeçari gjendet pa ndjenja pranë shtëpisë, me lëndime në kokë

Një ngjarje misterioze ka alarmuar Gostivar, pasi një 77-vjeçar është gjetur pa ndjenja dhe me lëndime serioze në kokë pranë shtëpisë së tij.

Sipas policisë, R.D. (77) nga Forinë është dërguar fillimisht në Qendrën Urgjente në Gostivar dhe më pas është transportuar në Kompleksin Klinik “Nënë Tereza” në Skopje.

“Ai është gjetur nga një fqinj në afërsi të shtëpisë, i cili edhe e ka raportuar rastin”, thuhet në njoftimin policor.

Policia ka kryer këqyrjen e vendit të ngjarjes dhe po heton rrethanat e rastit.TS