Parlamentet si nxitës të paqes, tolerancës dhe politikave të ardhshme

Sot, në Kuvend u mbajt Sesioni i 14-të Plenar i Parlamentit Ndërkombëtar për Tolerancë dhe Paqe me temë “Avancimi i tolerancës dhe paqes: Roli strategjik i parlamenteve në formësimin dhe miratimin e politikave për të ardhmen”.
Në këtë eveniment folën Afrim Gashi, Kryetar i Kuvendit të Maqedonisë; Timço Mucunski, ministër i Punëve të Jashtme dhe Tregtisë së Jashtme; Ahmed bin Mohamed Alxharvan, kryetar i Këshillit Global për Tolerancë dhe Paqe; Xhangrang Epainete Sende, kryetar i Parlamentit Ndërkombëtar për Tolerancë dhe Paqe.

Në kuadër të këtij evenimenti kushtuar promovimit të paqes, tolerancës dhe mirëkuptimit të ndërsjellë, Kryetari i Kuvendit, Afrim Gashi, theksoi se Ura e Gurit në Shkup është simbol i lidhjes dhe ndërtimit të urave midis njerëzve, kombeve dhe komuniteteve. Ai theksoi se toleranca dhe paqja janë vlera themelore qytetare dhe se nënshkrimi i deklaratës konfirmon angazhimin për avancimin e tyre të mëtejshëm. Në fjalimin e tij, theksoi gjithashtu përgjegjësinë që kanë deputetët në të gjithë botën në ruajtjen e stabilitetit dhe paqes në nivel global.
Mucunski, e theksoi rolin e rëndësishëm të parlamenteve në promovimin e paqes dhe tolerancës. Ai theksoi se parlamentet janë vatra të demokracisë, ku shkëmbehen ide të ndryshme dhe miratohen vendime që formësojnë të ardhmen e shteteve. Sipas tij, pikërisht përmes dialogut parlamentar dërgohet mesazhi se mospajtimet nuk duhet të çojnë në armiqësi. Mucunski theksoi se ne jemi një shembull i bashkëjetesës midis komuniteteve të ndryshme etnike, fetare dhe kulturore, ku diversiteti njihet si pasuri e shoqërisë.

Mohamed Alxharvan, në fjalimin e tij, iu referua sfidave historike me të cilat është përballur Evropa Juglindore. Ai vlerësoi se, pavarësisht mospajtimeve dhe pengesave të shumta në dekadat e fundit, vendet e Ballkanit Perëndimor kanë treguar se pajtimi është i mundur dhe i arritshëm. Alxharvani theksoi se parlamentet kanë rol veçanërisht të rëndësishëm në kultivimin e vlerave pozitive dhe në forcimin e bashkëpunimit dhe mirëkuptimit midis popujve dhe shteteve.

Në fjalimin e tij, Epaenete Sende theksoi se paqja duhet të jetë qëllimi kryesor politik i çdo udhëheqësi përgjegjës. Ai theksoi se vlerat e paqes, tolerancës dhe bashkëpunimit janë me rëndësi thelbësore në përballjen e sfidave bashkëkohore globale. U theksua se asnjë vend i vetëm nuk mund t’u përgjigjet të gjitha sfidave të sotme i vetëm, prandaj bashkëpunimi ndërkombëtar dhe veprimi i përbashkët janë të domosdoshëm. Në këtë drejtim, u theksua roli i Parlamentit Ndërkombëtar për Tolerancën dhe Paqen si platformë për promovimin dhe avancimin e këtyre vlerave universale.

Pas fjalimeve të hyrjes, u hap një diskutim i frytshëm midis kryetarëve dhe zëvendëskryetarëve të parlamenteve dhe sekretarëve të përgjithshëm të asambleve parlamentare ndërkombëtare.